2015年8月27日 星期四

無線新聞:擦鞋變抹黑!

其實做老細嘅,又會有邊個唔鍾意人擦鞋吖? 而想上位嘅,又有邊位唔肯擦鞋吖?

之咁,世上最無奈嘅事,對於老細嚟講,就係有條死蠢擦錯鞋,搞到你乜面都無晒! 明明對爛鞋鬼死咁辛苦將佢由黑轉咗白,一個唔該,俾條擦鞋仔落黑油嚟擦,即時由白變返黑,雖然只係「還原真相」,不過,邊個鍾意知道真相吖….

嗱,無線上一次已經白痴到俾人笑通街,將國軍同日軍對戰嘅地圖標示,好鬼政治正確咁改咗用當時尚未出現嘅五星旗嚟代表1949年之前嘅中國。俾人投訴到爆炸之後,改完都仲要錯,將日本國旗改咗做日本軍旗 (而其實到底係陸軍旗定海軍旗都仲有排拗…)。呢場超時空大會戰結果成件事變咗嘲笑中共嘅笑話,你話咁嘅擦鞋仔,留佢條命嚟做乜?

今次仲大煲! 中共唔止俾人笑佢冇參與過對日本的重大戰役,直頭連自家內部權鬥嘅臭史都俾無線踢爆埋,真係慘過俾人喺你屋企爆核彈呀。

是咁的,話說無線新聞,是是但但,最新力作,就係一個叫做【星期日檔案】的【抗戰印記七十年】特輯。該節目的「主旋律」就係緊貼黨中央嘅指示,宣傳「共產黨是抗日的中流砥柱」。OK…. 無所謂,當年個個人都抗日架啦,爭住認係中流砥柱,無所謂囉。

之咁,對於「黨內鬥爭」又唔可以咁講囉喎,呢樣就唔係槍口對外嘅問題,係踢爆黨內黑幕喎。話說那個節目,就係宣傳【八一宣言】,話係「193581日,毛澤東和共產黨代表團發表【八一宣言】,主張實行抗日統一戰線策略」。

網絡評論都能夠即時指出:當時毛澤東在「長征」的路上,邊會有份參加發表乜乜宣言吖。

呢個講法,其實都只係啱咗一半:無錯,毛澤東其實真係冇份搞呢份嘢出嚟,但係最「擲洗」嘅,係發表呢份宣言嗰條友 王明,係毛澤東嘅「黨內敵人」!

實情係:19319月,王明作為中共駐【共產國際】(Communist International) 代表去了莫斯科;同為「留蘇派」的博古出任臨時中央總書記。而博古在這一時期充當了王明在中共的代理人的角色。博古等人一直否定毛澤東等「建立根據地」、「農村包圍城市」和「游擊戰爭」等方針,並剝奪了毛澤東等人的軍權

1933年,中共第五次反圍剿慘敗,留蘇派領導被指「指揮錯誤」。在長征途中的【遵義會議】上,中共內部形勢起了變化:張聞天取代博古負責政治工作,會議也恢復了毛澤東的軍事指揮權。而這件事,基本上是毛澤東正式反抗以蘇聯直接管治中共的格局,留蘇派和土共開展了內部鬥爭。

到了193581日王明依照【共產國際】的指示,自莫斯科以「中國共產黨和中華蘇維埃共和國中央政府」的名義所發表的一篇宣言,主旨是中國共產黨要建立統一戰線來達成保衛蘇聯的首要任務。

換言之,這份所謂宣言,根本就是由毛澤的死對頭、在毛澤東走難的時候,狐假虎威借蘇共的平台,以「中共正式代表」的身份,向毛澤東發出指示,要求和國民黨停止內鬥,共同抗日。而這份文件,被毛澤東稱為:投降主義文件。

193710月,王明從莫斯科返回延安,執行共產國際的抗日戰爭統一戰線政策,任中共中央書記處書記。193712月,日軍攻陷南京,914日中共中央舉行政治會議,王明發表《如何繼續全國抗戰與爭取抗戰勝利呢?》企圖聯合國民黨擴大抗日統一戰線,即時遭到毛澤東為首的土共派反制,形容其主張是右傾投降主義、幻想依賴國民黨、放棄無產階級領導。

於是乎,這個【八一宣言】的「極度尷尬」地方在於:即使日本人兵臨城下,攻陷南京,實行大屠殺! 以毛澤東為首的中共「土共派」,其實依然視「國共合作抗日」為「右傾投降主義」! 可見「國共合作」假得離譜,毛澤東的主要目的還是要打跨國民黨! 於是乎對於其後毛澤東反而會對着田中角榮「感謝日本侵華」,這個又更加無可置疑了。

大家看看:不怕神一樣的對手,最怕豬一樣的隊友。擦鞋….. 都唔該咪落錯鞋油啦唔該! 變成「抺黑」囉…. 該煨….


1 則留言: