內有三級，小童慎入
上次本來以為周融只係誤打正着，寫份吹水交通報告，結果小罵大幫忙，幫佔中預先做好保駕護航功夫，確保警方到時有應急預案、無晒動粗嘅藉口、解放軍無用武之地。今次就認真唔同囉，除咗真係確定佢係「超級過超級無間道」之外，無其他嘢好講。
阿爺最驚係乜嘢唧? 「公投」吖嘛。
咁周融而家搞緊邊科呀? 動員全港建制派搞公搞囉! 咁都睇唔到! 傻的嗎?
唔止係咁，仲要進一步落實「戴卓爾夫人到死一刻都未竟全功」嘅重大歷史抉擇：香港國際化!
請留意：今次周融搞公投，係「任何人喺香港街邊行過都可以參與」，換言之，在港生活同搵食嘅外國人、唔理你係雞腸洋腸非洲腸定係印度腸，即使喺《基本法》之下無權參與本港政治事務嘅，都可以一齊出嚟 happy!
非常明白周融係一個「世界仔」，之不過戴卓爾夫人都只係想要「國際化」啫….做乜要「交凸功課」，搞個「全球化」出嚟? 戴卓爾夫人泉下有知，一定感動到喊! 無以為報、以身相許；周兄今晚午夜夢遺嘅時候，記得轉番英文台….oh Margaret…..
何謂「公投」? 即係「人民自決」，自己表態、自己話事。咁嘅情況之下，共產黨嘅最基本原則：多數服從少數 (專政) 就一定玩完!
因此除咗完全冇讀過邏輯，唔知乜嘢叫做「同一律」嘅白癡之外，盲嘅都知佢搞緊乜。因此對於「公投表態」，不論結果如何，都又係阿爺輸哂，直頭係一舖清袋。因為自此以後，阿爺再無藉口話「香港人政治冷感」。呢舖直頭係「香港人政治發姣」至真。
發姣到乜嘢程度?
滿園春色關不住，飛擒大咬撲過來!
屈指一算，香港小姐拎住特區出世紙今年剛滿17周歲，之所以謂打死唔敢生女就係咁解囉….. 佢想失身，真係落閘放狗都攔唔住呀，該煨。
歷史上最奇幻嘅溝女事件莫過於此：你對住位女神送花送禮、千般甜言蜜語講盡，解釋「自由戀愛」係好正常嘅一件事，都就嚟十八歲啦，自己可以楂主意。但係位靚女嘅姨媽姑爹死話「阿爺唔俾」，係都要「有根有據」搵個乜鬼「村委會」出嚟俾啲三九唔搭八嘅茂利「有商有量」咁係要「篩」你一嘢先得。
於是乎你係咁依窒佢一句，我就睇死你自己唔敢…..
都未講到「表態」呢句，呢位姑娘竟然大喝一聲「本小姐乜嘢唔敢吖嗱!」，話口未完就擸起條裙、飛撲過嚟、撳你落地、霸王開弓!
而更加奇幻嘅係，啲鄉親父老唔單止唔制止佢，仲要幫佢打氣大嗌「郁佢」!
你都未識得俾反應…. 「事情」就已經天雷地火咁「發生咗」。你想喊，但係喊唔出、想笑，但係都笑唔出……心理好鬼複雜：咁佢真係你嘅女神吖嘛! 又係你話佢有權「自己表態」吖嘛! 雖然係極度粗暴咁當眾「表」咗俾你睇….
假如事後阿爺問起，發生咗咩事? 咁你可以點解釋呢? 你只可以眼泛淚光、略帶激動，有啲手震咁樣夾住半枝煙同佢講：嗱，大家睇住，佢真係自願嫁….
死未?
言歸正傳：公投標準又從何而來?
國際標準 (即係阿爺打死都唔承認有嘅嘢)，公投有兩個基本條件：1. 全體選民超過一半有參與，此為之有效，2. 投票清楚顯示，贊成或反對，佔一半以上，此為之決議。台灣嘅《公民投票法》就係咁寫，簡單到痺。
香港登記選民人數大約350萬人，公投合法人數係175萬。上次「佔中公投」大約80萬，今次周融發誓超過呢個數目，要達到100萬，換言之，單就「佔中」的單一議題，贊成或反對，全港動員人數係180萬或以上，符合公投要求。周兄真係計得好準囉。
因此今次結果不論如何，阿爺最唔想發生嘅事已經發生咗：人民自決，公投表態…當眾嘅。全世界都做唔到嘅嘢，周融一口氣超額完成。
至於呢位女神，雖然粗暴咗啲….明白嘅，餓咗咁耐，唔係你嘅錯。功多藝熟嘅啫。等我食埋枝煙先….
沒有留言:
張貼留言