續：工程師致富貼士 – 真係要睇下文化書!

話說先前在網誌隨手打了一篇文章，謂「發達每多工程師」，迅即變成網上瘋傳。http://alexstshiu.blogspot.hk/2015/03/blog-post_26.html

當然，由於真的只是信手寫來，錯謬難免。有人指正無任歡迎。不過重點係 – 據統計而發言，即使我自己講錯，但係統計冇錯。的確係從統計上嚟睇，讀工程嘅，係最多人發達嘅學科。

解讀就各自發揮啦，除非統計有錯，那就另當別論。而到底這個情況是「普世」還是「大美國主義」? 呢樣又真係有排拗嘞。因為同樣在地球的另一端，有另一套不同嘅統計，就係「成功須父幹」。亦即，人之所以會發達，係因為識得投胎。

之咁，其實兩套統計，係「冇衝突嘅」。點解咁有趣? 因為美國係一個容許自由競爭嘅國家，而地球嘅另一邊唔係囉。一字咁淺。

呢個有趣統計 (或者應該係絕望統計)，我在敝作【世代之戰】之中有詳細說明：香港的貧富差距，竟然主要由父母一輩的經濟社會地位決定。而即使是「讀書脫貧」也是假像，因為「讀得成書」嘅，又竟然同樣都係由父母嘅經濟社會地位決定! 詳情可看當中第二章【年輕人如何被「邊緣化」】。

https://books.google.com.hk/books/about/%E4%B8%96%E4%BB%A3%E4%B9%8B%E6%88%B0.html?id=qXzSCQAAQBAJ&redir_esc=y

而另外一套統計就顯示，這種「跨世代」的壟斷情況，來源只需要看看「裙帶資本主義」的指標，「本是同根生」：香港「領先全球」。大家可以看看書中第7.4章 「老坑不應阻新世代創意」。當中所引述的，是【經濟學人】的統計：按「億萬富豪所佔GDP比例」來分析，「有裙帶關係」行業的億萬富豪，身家所佔GDP比重，在香港是接近60%!

http://www.economist.com/news/international/21599041-countries-where-politically-connected-businessmen-are-most-likely-prosper-planet

 

這個統計之所以甚有啟發性，不止是在於充分說明香港之所以高度貧富懸殊以及有跨世代貧富懸殊，更加有趣的是「香港比中國嚴重以倍數計」!

中國雖然也是高度貧富懸殊，不過由於幅員廣大、而且搵食空間甚大，於是反而在創新能力方面可以比香港更高! 因為即使在某個地方出現壟斷現象，但討生活的，總能跑到另一個地方去鑽營出一個生存空間來 (「大疆」造航拍飛行器即是此例，但等而下之的謀財害命創新假毒食品也同樣禁之不了!)。反觀香港只是彈丸之地，一個「領匯」就已經可以包圍所有師奶! 想突圍? 發夢啦你。

兩套統計拍埋一齊嚟睇：真相就係咁簡單。

好嘞，咁樣….讀工程嘅，又可以如何「突圍」呢? 或者可以好認真咁諗下「出去自由世界闖蕩」一下。不過咁，有兩個忠告：

1.   英文真係唔好咁屎!

2.   學下人哋嘅通識教育，認真啲睇下文化書，做一個有思想嘅人，而唔係一件淨係識聽人指嘅工具。

第一點，不證自明啦。不過第二點，唔係咁多人會明。抄多份功課俾大家睇：http://www.businessinsider.com/lessons-from-elizabeth-holmes-favorite-book-meditations-2015-7?utm_content=bufferfc48a&utm_medium=social&utm_source=facebook.com&utm_campaign=buffer

美國最新科技女富豪，又係大學都唔肯讀完就跳出嚟創業嘅 Elizabeth Holmes, (仲要係年輕貎美嘅工程師)

佢嘅發達秘笈，就係由閱讀羅馬帝國「哲王」Marcus Aurelius 名著【沉思錄】(Meditations) 所啟發。

各位宅宅哋嘅工程學生，你未必有本事可以追到大美人 Elizabeth Holmes，不過唔該都追下人哋嘅發達秘笈，認真啲睇文化書，做一個有思想嘅工程師啦。