2018年3月22日 星期四

中國打貿易戰?想死冇人會阻你



順手睇埋到底「一帶一路」實在係想搞邊科。

一直都話:外行看熱鬧、行看門路。實在中美如果出現所謂「貿易戰」,雙方會發生什麼事? 兵法有云:「知己知彼」嘛。有時真係唔使等你出手就知道後果會點。

先劇透一句:假如對家只要唔俾飯你食,你就一定好快餓死,請問咁樣會唔會打得成?下面嘅劇情發展就幾乎唔使估

大家表面睇到嘅,就係中美之間貿易額好高、因而推論雙方的「依存度」也很高。於是乎直線思維,就話:假如雙方打貿易戰、大家都會攬住死。

人唔笑狗都吠。因為貿易額是一回事,「貿易內容」才是重點嘛。因此在前題假設錯誤的情況下,往下推論的所謂攬炒根本就係廢話一句。因此侵侵冇講錯,美國同中國打貿易戰,唔使打都知道會「輕易勝出」。

中美之間的貿易容是什麼?中國就一早打「開口牌」、而美國的農業客(應該是替中國辦事的農業客)也異口同聲指 - 在中美貿易戰之中,美國的農夫受害最大。這個就是中美貿易的關鍵噢:中國眼裡看得最大的,就是農品。不過這個推理也是錯的,因為這只是「如果打得成」。不過只要大家有留意新聞,就明白美國的農產品對中國來說是什麼一回事。

而我就一早預報晒。唔該重溫一下,我在 2015年就在網誌寫好分析《中國的食物安全問題》(2015211日)[1]。侵侵有可能睇過都唔奇,所以真係出手好準。中國條件同美國打貿易戰。

中國的食物安全問題,不是會否食物中毒的問題,而係根本唔食。而中國所謂能自級自足嘅食物,成條食物鏈都係靠美國進口嘅穀物嚟撐起,例如大豆,唔係只用嚟整豆腐嘛,而係作為食用油來源、食物澱粉添加、同埋動物飼料呀。中國嘅土豪成日就話:老子大魚大肉,使乜同你捱麵包?唔該再諗諗:啲肉係點嚟呀?雞同豬都唔使食飼料乎?而麵包就更加唔好提啦,之唔係直接用美國小麥囉。

換言之,同美國打貿易戰,莫講話冇得再大魚大肉,直頭連麵包都冇得你捱呀。

中國的農業專家,一早就指出中國的「糧食自給率」一直都偏低,而「糧食進口依存度」則越來越高。而在我刊出文章之後,再睇中科院一年之後的文章,這個分析仍然冇變。而文章作者來自中科院的農村研究所。[2] 當中尤為明顯指出的,是「大豆自給率只有15.41% 」以及「大麥及產品自給率不到50%」。明乎當中的「食物鏈」關係,就會知道中國的所謂食物自給率,光看上層可能還頗好看,不過支撐整個食物鏈的底層,基本上就是全靠美國進口的大豆和小麥!

稍為有點頭腦的人都不會不知要及早防範這種會餓死的風險吧?因此鏡頭一轉,大家唔該睇清楚,到底「一帶一路」所為何事?又係大家只睇熱鬧唔睇門路囉。中國誓要打通歐亞通道,真正目的,係要確保食物同燃料供應!

先前都同大家講過啦:中國趁住烏克蘭同俄羅斯惡鬥,順手牽羊,由新疆建設兵團出手,2013年同烏克蘭最大嘅農業公司 KSG Agro簽咗50年糧食供應協議,佔用烏克蘭農地面積達到十萬公頃、最終目標係要達到面積三百萬公頃。而烏克蘭其實係全球小麥十大出產國之一。明白未? 一帶一路,沿路都係大量農業土地可以補充中國的糧食缺口呀。






[1] 《中國的食物安全問題》(2015211日)http://alexstshiu.blogspot.hk/2015/02/2013-3-12-1-95-300-1297-80-2-3-2014-7.html
[2] 張元紅《中國食物自給狀況與變化趨勢分析》2016620 http://rdi.cssn.cn/xzlt/201606/t20160620_3077320.shtml